Dişlək

Facebookda rusdilli dost- larımızdan biri belə bir status yeniləmişdi: "Если человека кусает вампир, он становится вампиром! Такое ощущение, что многих вокруг искусали бараны..."

Bizim dilimizə təxminən belə tərcümə olunur: "İnsanı vampir dişləsə, o da vamir olacaq. Belə təəssürat yaranır ki, ətrafdakılardan bəzilərini qoyun dişləyib..."

Get yat, vaxt tez keçsin

Bizim məmləkətdə belə bir yanaşma mövcuddur; Yerin altındakı ölülərlə yerin üstündəki ölülər. Bu yanaşma əsirlərdir dəyişmir. Bir gənc bloqçunun (Ravik) dediyi kimi "Azərbaycanlılar Azərbaycanda, avtobusda oturmuş cavan oğlan kimi yaşayırlar. Həmişə durub yerlərini kiməsə verməyə hazırdırlar."
Doğru məsləhətdi. Vaxtın tez keçməsi üçün çarə axtarmaq lazımdı. Yatmaq və ya Ümummilli, mənəvi "dəyərlərimiz"ə hörmət etmək, öyünmək lazımdır. Yaşamaq istəyənlərçün çətindir yerin üstündəki ölülərlə bir yerdə olmaq.

Qutuda siçan var

Azərbaycanda hər seçki ərəfəsi və sonrası baş verənlərin tayı bərabəri yoxdur. Seçkilərin nəticələri bəyan ediləndən sonra arzuladıqlarının tərsi ilə qarşılaşan insanlar inciyirlər. Məsələn məndə həmişə belə təəsürat yaranıb ki (2005-ci ilə qədər keçirilmiş bütün seçkilər zamanı Azərbaycanda olmuşam) bu qədər ziddiyyət nətər mümkün olur.
Hər seçkidən seçkiyə istifadə edilən şəffaf qutular maraqlıdır. "Şəffaf". Mənə elə gəlir ki, şəffaf adlandırılan bu seçki qutularının içində şəffaf siçanlar yaşayır. Qutlara atılan seçki bülletenləri onlarındır. Biz sadəcə həmin vərəqlərin üzərində istədiyimiz damanı işarələyib şəffaf qutuya atırıq. Qalanı bizlik deyil. Onlarlıqdır. Şəffaf olduğundan biz onları görmürük. Nə baş verdiyini də müşahidə edə bilmirik. Ona görə sonuclar tərsəməstəb görünür.
Qarşıdan yenə də seçkilər gəlir və yenə də şəffaf qutulardan istifadə ediləcək. (?)

Yeni Yol Nişanı

Azər- baycanda təzə yol nişanına ehtiyac var. Bu çox zəruridir.








Sürücülərin (müştərilərin) rahatlığının təmini, polislərin də fəaliyyətini daha effektli etmək üçün bunu qısa bir zamanda tətbiq etmək lazımdır. Bu, dünyada analoqu olmayan bir yol nişanı olacaq.
Bilirsiz, mən maşın sürməyi sevmirəm. Həmişə fikirləşmişəm ki, Azərbaycanda avtomobillə uzaq məsafəyə çıxası olsam yolda polislə (DYP əməkdaşı) rastlaşacam, o da övladlarını saxlamaq üçün məndən "cərimə" (dövlətçiliyimizin və sabitliyimizin düşmənləri bunu rüşvət adlandırır) tələb edəcək, bəzən bunu birbaşa deməyə çəkinəcək, dolayısı yollarla izah etməyə çalışacaq, mən də həmişə pul verərkən və alarkən utanan biriyəm, əziyyət çəkəcəm. Lakin bu cür yol nişanları tətbiq edilməyə başlansa bütün sürücülər üçün rahat olar və mən də maşın sürməyə qərar vermiş olaram. Sürücülər məsafədən bu nişanı görüb həm psixoloji, həm də maddi cəhətdən özlərini hazırlayarlar. Həm vaxta qənaət edilmiş olar, həm də narazıçılıq aradan qalxar. Ümid edirəm Azərbaycana növbəti gəlişim zamanı yollarımızda bu nişanı görmüş olacam. Yaşasın sabitliyimiz.